২২ আগষ্ট: সদৌ অসম বহুমুখী স্বাস্থ্যকৰ্মী সন্হাৰ কামৰূপ জিলা সমিতিখন আজি গঠন কৰা হয় । এই উদ্দেশ্য আমিনগাৱস্হিত লোক নিৰ্মাণ বিভাগৰ সভাকক্ষত আয়োজিত সভাত পৌৰাহিত্য কৰে গীতুমণি দাসে আৰু উদ্দেশ্য বাখ্যা কৰে নৃপেন ডেকাই । সভাত বহুমুখী স্বাস্থ্যকৰ্মী সকলে কৰ্মক্ষেত্ৰত ভোগ কৰি অহা বিভিন্ন সমস্যাৰ বিষয়ে বিশদ আলোচনা কৰা হয় । সভাত হাজো-শুৱালকুছি সমষ্টিৰ বিধায়ক প্ৰকাশ চন্দ্ৰ দাসে অংশগ্ৰহণ কৰি ভাষণ আগবঢ়াই । ইতিমধ্যে চাকৰিৰ পৰা অৱসৰ গ্ৰহণ কৰা তিনি গৰাকী বহুমুখী স্বাস্থ্যকৰ্মী ক্ৰমে চামছুদ্দিন আহমেদ, কিছেন ৰাজবংশী আৰু বাপধন আহমেদক সন্হাৰ তৰফৰ পৰা উঞ সম্বৰ্ধনা জনোৱা হয় । সভাত সৰ্বসন্মতিক্ৰমে প্ৰবীণ কুমাৰ দাস,সূৰজ দাস,মিলন পাঠক আৰু হৰেশ্বৰ দাসক উপদেষ্টা, গীতুমণি দাসক সভাপতি , কুশল দাসক উপ সভাপতি, মনোজ কাকতিক সাধাৰণ সম্পাদক, অপূৰ্ব বেজবৰুৱা আৰু চিন্তূ বৰুৱাক সহকাৰী সম্পাদক, নৱজ্যোতি বৈশ্যক কোষাধক্ষ্য আৰু অমল কলিতাক তথ্য আৰু জনসংযোগ বিভাগৰ দায়িত্ব অৰ্পণ কৰি বহুমুখী স্বাস্থ্যকৰ্মী সন্হাৰ কামৰূপ জিলাৰ নতুন সমিতিখন গঠন কৰা হয় ।
